 |
||
| |
Met
die samewerking van die Afrikaanse GenForum Hierdie gebou moes egter later geheel en al afgebreek en herbou word. Die huidige sierlike kerkgebou is op 10 September 1887 ingewy. Die Graaff-Reinetse gemeente word in 1792 gestig. Die eerste leraar is ds JH von Manger (1792-1798). Hierna het ds HW Ballot diens aanvaar. Een van sy eerste take was om om die halfgeboude nuwe kerkgebou te voltooi. Die ou gebou was toe reeds bouvallig en is ook gedurende hierdie tyd in 'n brand vernietig. Dit het die kerkraad in 'n groot verleentheid gestel, aangesien die sederhoutkosyne en balke vir die nuwe gebou bestem was. Nuwe boumateriaal moes nou van die Kaap gehaal word en dit vertraag die bouproses met twee maande. Op Sondag, 28 September 1800, word die nuwe kerkgebou deur ds Ballot ingewy. 'n Maand later vertrek hy egter om diens te Swellendam te aanvaar. Die gemeente bly nou vakant totdat ds JJ Kircherer in 1806 aangestel word. "Een man van biezondere godsvrucht en ijver, die vroeger zendeling onder de Korannas was geweest." Hy het gedurende sy dienstermyn 2000 lidmate aangeneem. Hy word in 1815 na Tulbach verplaas. In die volgende paar jaar is die leraars ds JA Schutz (1815-1818); Dr A Faure (1818-1822); en ds A Murray (1822-1866). In lg se eerste jaar te Graaff-Reinet word die kerkgebou heeltemaal afgebreek en herbou. Ds Murray moes ook agv die groot distrik begin buitedienste hou en dit lei dan ook tot die stigting van nuwe gemeentes te Aberdeen, Colesberg, Richmond, Burgersdorp en Murraysburg. Nadat hy in 1866 oorlede is, word hy opgevolg deur sy seun, ds Charles Murray (1866-1904). "Deze was als prediker zeer begaafd. Kenmerkend van zijn bediening was zijn liefde voor en arbeid aan de kinderen der gemeente. Het nieuwe kerkgebouw, een der sierlikste in Zuid-Afrika, werd onder zijn bestier in 1886 opgericht." Na hom volg di AF Louw (1897-1903; 1908-1912); PGJ Meiring (1904-1907); PK Albertyn (1906-1921); Dr DF Malan (1913-1915); Dr BB Keet (1916-1919) en Ds IF Burger (1920-1922). In Eeuwfeest-Album van der Nederduits-Gereformeerde Kerk in Zuid-Afrika 1824-1924, deur Ds A Dreyer verskyn daar 'n prent van die kerk in 1798. ANDER
KERKE IN GRAAFF-REINET
(verskaf
deur Marion Jaeger) NGK
"Ou kerk" Eerste predikant J.H. von Manger (1792-1795)
IX
SWELLENDAM gestig 1798 Die
gemeente word eers 53 jaar na die proklamering van die
distrik Swellendam en die aanlê van die drosdy en die
dorp aan die voet van die Langeberge gestig. Dit geskied
in 1798 in opdrag van lord Macartney, goewerneur tydens
die eerste Engelse besetting van die Kaap. Die gemeente
is in 1798 gestig en op die eerste kerkraadsvergadering
wat op 23 Julie 1798 gehou is, is ds JH von Manger teenwoordig.
Dit was 'n uitgestrekte gemeente wat hedendaagse gemeentes
soos Caledon, Riversdal, Bredasdorp, Napier, Ladismith,
Robertson, Montagu en Barrydale ingesluit het. Ds von
Manger begin met 'n geldinsamelingsveldtog vir die oprigting
van 'n kerkgebou. Daar word in 1801 begin met die oprigting
van die gebou teen 'n koste van 41000 gulden en dit word
in 1802 ingebruik geneem. Die eerste kerkgebou was in
gebruik vanaf 1802 totdat dit in 1910 afgebreek is en
vir 'n nuwe kerkgebou plek gemaak het. In die dienstydperk
van ds AG du Toit (1906-1919) word die ou kerkgebou afgebreek
en is die huidige kerkgebou in die Kaaps-Hollandse styl
vir die bedrag van 9670 pond gebou. Hierdie inligting
kom uit: Eeuwfeest-Album van der Nederduits-Gereformeerde
Kerk in Zuid-Afrika 1824-1924. Deur Ds A Dreyer. Ander
interresanthede in die boekie is 'n fotoDe Oude kerk Swellendam
1803.
|
||||
